Уралонь Одломантнень Манифестесь

Сёрмадыцясь: Мустасаар

Sous les paves, la plage!
Париж, 1968

Зярдо сась чокшнень ярсамонь шкась, ярсасть чокшненть покш эрьгелемга, сестэ кармасть морамо, налксеме ды киштеме.
Декамерон, Д. Боккаччо (1313-1375)

Минь, Уралонь раськетнень одломантне, отказакшнотано неемеде минек раськетнень, кельтнень ды улемачинь сыця шканть модакире лангсто ёмамакс. Пек сеедьстэ маряви Уралонь раськетнень икеле калмамась, музеень эксопнатокс лиявтомась. Весе минек неень шкань седейризкстнень тувталокс арсетяно минек эсь патятнень-ялакстнень ачарькодевиксенть, ней шкась коцкерямс мода эсень лангс. Зярдо ёмса те пессимизмась, эсень аламокс ловомачись ды прязо максомань оймесь, масторлангось панжови весе Уралонь раськетнень мазыйкс, минек учомстонзо. Зярдо минь виемтсамизь кутьмеренек, несамизь, минь машттано максомс масторлангонень содавкст, мазычи, конат масторлангосонть седе икеле а невтеви. Секс минек вайгельсэнек зярдояк а марявить коронь кирдиця нотат. Минь а кардатано фактт, стакачит, ансяк минь содатано: минь кадовтано, кастано, цветятано. Минсь, неень шкань одломантне нетне, конатнень максозь целтнень, мелтнень путомась сядо сыця раськеполадкстненень Сааремаасто саезь Саян пандотне видьс.

Уралонь ломантне уцяскавт. Минь яжатано-тапатано кувсеманть, мельтемечинть ды нетнестэ саевзь кажотне. Минь бажамодо, вечкемадо, пек кецямочиде пешксетяно. Минек нусманяноккак ансяк арсиця ёжомарямонть масторлангонь улемачинтень, кона виевгавты минек паролгавтомс весе ломанень коенть. Вейсень кортатано: саты, те неевксесь депрессивной, винанень седейс педявсь суоми-угрань ломанде! Неезе весе масторлангось, Уралонь кельтнень кудораськень ломантне уцяскавт.

Аволь ансяк уцяцкавт. Уралонь ломантне бажить содамс, сын ёжовт, чарькодицят, мелявтыцят. Минь эжневтетяно эсенек ойместенек лисиця вийга поладомс эсенек. Тонадомс седе ламо, мелявтомс минек перька ломантне кис. Эрьва Уралонь келень кортыцясонть кекши ойместэзэ ренесансонь превей ломань, гуманитариянь ломанень идеал. Се чарькоди рунгонь, оймень кастоманть-кепетеманть целасто. Целачись модалангонь эрямосо; мазычинь, весе раськень ды раськетнень поладоманть вешиця оймень масторлангось; седей лембечиде, мелявтомачиде ды содамочиде пешксезэ – не принциптне улезеть миненек весе шканть мельсенек. Раськекс касомакс миненек эряви касомс эйсэнек.

Весе те шкас масторлангось, сень философиянзо, идеологиянзо, экономиканзо, юридиканзо, теологиянзо, литературанзо теезть аволь Уралонь келтнень кортыцятнень кис. Минь а яволявтано нетне видекс, а видекс. Минь яволявтано, минек целекс теемс нетне весенть миненек ёнокс. Истямокс, кода минь бажатано, марятано. Секс минек целексенек теемс-петемс ВЕСЕ масторлангонь культурась ЭРЬВА Уралонь раськенень ёнокс. Мадяртнестэ саезь Энэцтне видьс. Истя минсь, минек раськеполадксонок нетне, конат полавтить кода пишкиненть, истя покшонть культуратнестэнек оймень коряс эсь олянь эрицякс. Минь вешетяно видечинть ливень, селкупонь кельсе-мельсе сэрей культуратнекс, конат нежедить нетнень коень-кирдань, оймень вановксонь ды асиндевиксень лангс. Сэрей культуратнекс, конатнень улить эсь наукань келензэ, литературань школа ёнксонзо, ды эриця стякочинь культуранзо. Те а чарькоди эсень пекставоманть масторлангонь икельде. Мекевланк, те чарькоди весе масторлангонь ломанень коень кирнявтыця покшолгадоманть. Минь сайтяно велявтомга, тонадкс масторлангонь кедьстэ, ансяк минь толковатано весенть ёнокс минек умонь, пингень оймень марто. Истя анокстатано од ладсо седе паро масторлангонть, кона ялатеке сюлмави асиндевиксстэ минек весень умонь покштят-бабат масторлангонь марто.

Минь путтано эсенень целекс теемс раськенек ютков виде солидарнойчинь, вейсень важодемань ды леляксчинь ойменть. Минек культуранок понавить вейсень-Уралонь масторлангонь оймекс. Вейсень-Уралонь идентичностёсь весе шканть минек таркань, раськень культуратнень вакссо, аволь зярдояк нетнень таркасо. Эрьва кортавксось, таркань коесь питней вейсень-Уралонь масторлангосонть. Минь сялдотано эрьва сэх пишкине авидечинтьгак, мезе вейкеяк минек раськень ломанесь омбосенень теи. Минь Уралонь ломантяно. Те чарькоди седе покш долконть ветямс эсь пря весемеде сэрей моралень коряс секс, мекс минек эйсэнек уш те седе сэрей этикан ёжось.

Вейке-вейкенть муизь раськетне, конат эрить лия инемодатнесэ, явовить вейке-вейкестэ расань, кемемачинь, коень коряс – мик прявтъёнксонь эрямонь-коень коряс, явовомсто неень шкастояк кадовыцятнекс ды якицятнекс, сокицятнекс-видицятнекс ды ракша мельга якицятнекс. Минь ёжомарямога муинек минек эрьвань потссо кекшиця умонь сюлмавксонть. Те умодкс юрось, минек певтеме явовоманок лангс апак вано, вейсэндявсь минек виевстэ, кеместэ.

Минек, Уралонь келтнень раськетнень леляксчинь оймесь уш ней ды сыця шкастояк седе ламосто весе масторлангонень невтемакс. Тордингет, каос лангс апак вано минь кандотано ведьнармунень чачосо иневедень потмаксто верев культуратнень, раськетнень ютксо вейке-вейкень арнеманть, истя невтетяно эсь пря ветяманок невтеманть весе масторлангонтень. Ды миллиардт, конат а содить минек эйстэ, кармить тонадомс минек кедьстэ.

Mainokset

Vastaa

Täytä tietosi alle tai klikkaa kuvaketta kirjautuaksesi sisään:

WordPress.com-logo

Olet kommentoimassa WordPress.com -tilin nimissä. Log Out /  Muuta )

Google+ photo

Olet kommentoimassa Google+ -tilin nimissä. Log Out /  Muuta )

Twitter-kuva

Olet kommentoimassa Twitter -tilin nimissä. Log Out /  Muuta )

Facebook-kuva

Olet kommentoimassa Facebook -tilin nimissä. Log Out /  Muuta )

Muodostetaan yhteyttä palveluun %s