Иневанькс пулонь фотоконкурсось ожоковонь пес!

31.10. прядови Иневанькс пулонь фотоконкурсось 2017, конанень бажить фотот иневанькс пулонь эйстэ, лия иневанькс тарготнестэяк. Конкурсонь целекс: ушодкс иневанькс таркатнень культурань ды пертьпельксэнь кадовксонь мельваномась не таркатнень неень шкань ёжонзо сёрмадомась ды ломантнень ветямась якамс не таркатненень инжекс, ванстомс не таркатне.

Те иестэ кеменексть аравтозь омбомасторонь конкурсонь темазо ”пертьпельксэнь (аволь теезь) иневанькс таркат“: иневанькс пулот, пандот, лейть-эрькеть, чувтот, кевт ды лия пертьпельксэнь таркат, косо минек покштянок-бабанок якизь озномо, пичкавтомо, кадомо казнеть, превспутомо, икелев ёвтнеме ды лия тевт мельга якамо.

Конкурсонь пряказнезэ 1000 евро. Конкурссо мель путозь седеяк пек уралонь иневанькс таркатнень лангс, конань категориянь (финнен-угрань иневанькс таркат) казнезэ 300 евро. Седеяк пек смелгавтозь иневанькс таркат сёрмадомс 16-це иень видьс одломантненень, конатнень категориянь казнезэ 200 евро. Теке марто максозть лия казнет не тематнесэ: иневанькс пуло, иневанькс чувто, кев, веделма, казнеть, иневанькс пулонь муцямозо, кой-кирда ды лият. Ярмаконь казнетнень марто изницятненень улевкстнень, тонавтомань стякодо совамость, туризмань ды раужосто паникудотнень инжекс якамот, литература ды лият.

Озномакс, казнетнень кадомакс, пичкавтомакс ды лия тевт мельга якамакс алтазь коень-кирдань иневанькс таркатнень ули эрявикс роль эстононь ды лия уралонь ломантнень пертьпелькссэ ды культурасо. Иневанькс таркатнень марто сюлмави оймень койсь-кирдась вепонасо уралонь ломантненень, келень марто те пурны-теи минек вейсень идентичностьсэ алксонь кондямо тумбанть. Вешкасто те вейсенди минек масторлангонь лия пертьпельксэнть мель ваныця ушодкс раськетнень марто. Омбомасторонь пертьпельксэнь ванстома вейсендявксонь (ИУСН) коряс иневанькс таркатне ломантнень велень-сядонь васенце пертьпельксэнь ванстома таркатне.

Омбомасторонь иневанькс таркатнень фотоконкурсонть аравтыт Тартунь Университетэнь пертьпельксэнь иневанькс таркатнень куншкась, Хиитэ Мая-фонд, Таарань ды Масторонь кемицятнень Мааваллань Кудо. Конкурсонень лездить ярмаксо, невтемга, Эстононь литературань музеень фолклоронь архивось, Эстононь раськень музеесь, Выронь институтось, Мулгинь культурань институтось, Эстононь фолклоронь советесь, Эстононь коень-кирдань музикань куншкась ды ламо лиятне.

Сёрмадомась нежеди Хиитэ Мая СА-нь прессапачтямонь лангс. Фотоконкурсонь лопазо (рузонь кельсэ).

2016-це иень иневанькс пулонь конкурсонь казезь фототне (эстононь кельсэ).

2008-2016-це иетнень фотоконкурсотне (эстононь кельсэ).

Mainokset

Vastaa

Täytä tietosi alle tai klikkaa kuvaketta kirjautuaksesi sisään:

WordPress.com-logo

Olet kommentoimassa WordPress.com -tilin nimissä. Log Out /  Muuta )

Google photo

Olet kommentoimassa Google -tilin nimissä. Log Out /  Muuta )

Twitter-kuva

Olet kommentoimassa Twitter -tilin nimissä. Log Out /  Muuta )

Facebook-kuva

Olet kommentoimassa Facebook -tilin nimissä. Log Out /  Muuta )

Muodostetaan yhteyttä palveluun %s