Рузонь традиционалисттне вешнить од масторлангонь чарькодемачинть: маринь кемемась вейке лисьмапрятнеде

Таштамковонь 29-це чистэнть ожоковонь 1-це чис ютась Москвасо славонь кемемань (родновер) конференциясь, косо улнесть маринь, удмуртонь ды ветькень кемицятнень таркасо аштицяткак.

Рапортонть макссь онаенг (карт) Витали Димитриевич Танаков, кона аштесь маринь кемицятнень, Марий Юмыйӱла, таркасо.

Конференциянь улицятне неить курок мельявомань касоманть, кона сюлмави кристианонь кемемадонть икеле культурань кадовксонь марто. Сынь неить од историянь улемань эрявиксчинтькак.

Конференциясо путсть мель не целтненень:

-вейсэндямс виень путоматне вейсэнь эрямонь теемакс вейсэнь питнечитнень оймесэ;

-важодемс вейсэнь сыця шкань Россия-масторонь, масторлангонь неявксокс, кона нежеди коень-кирдань, раськень питнечитнень лангс: Россия-масторонь раськетнень оймень вейсэндявксонь вешнемась;

-теемс кампаниясь секс, мекс Россия-мастор ратифицироволь УНЕСОнь оймень культурань кадовксонь ванстомань велувонть;

-важодемс масторонь, областень властень ломантнень марто секс, мекс теевелть таркат, улемат алкуксонь оймень озксотнень теемакс;

-видькстамс Россия-масторонь раськетнень ламо пазнэнь кемеманть алкуксонь раськень кемемакс масторонь, академиянь уровэньсэ.

Конференциясо улицятнень тонадозь документтне вейсэнь тевень алксокс:

1. Конференциянь “Ломантнень велень-сядонь кастоман-кепетемань китне колмоце тёжат иетнестэ” –решениясь (Ёшкар-Ола, 2007; рузонь кельсэ).

2. Рузонь ламо пазнэнь манифестесь (Вятичи-вейсэндявкс, Москва, Царицыно, 1997; рузонь кельсэ).

3. Битцескийнь пшкадемась (Ламо Пазнэнь Коень-Кирдань Круг, 2002; рузонь кельсэ).

4. Умонь Ведань тувталтне (“Раськексчи”-семинарось, 2010; рузонь кельсэ).

Конференциянь киртявксонь марто машти теевемс содавиксэкс тесе (рузонь кельсэ).

Кулясь ютавтозь МариУвер-лопадонть, конанень макссь содавксонть Витали Танаков.