Иневанькс пулонь фотоконкурсонь 2017 изницятне кочказть.

Омбомасторонь Иневанькс пулонь фотоконкурсонть изнизэ чуро фотось Сааремаань Каалинь Пюхяйарвистэ. Маргус Вилисоонь ванстома дрононь фотосто “Менелень домкачись эень келькшэнь ало” цитни телень метеоритонь кратерсэ пек сэнь эрькень селмесь. Виев фотось невти пек паросто коень-кирдань иневанькс таркатнень ачарькодевикс мазычинть, виенть, корти Хиите Мая-фонд.

Фотографокс важодиця авторонь лангс сонень савсь муемс шкась, зярдо свалшкасто пиже эрькесь полавтось од эень кувонь ало сэнекс. Дронсто невтевезь неемась лиявтизэ сон эсенть валтомокс. “Улнесь ёвтнемавтомо, вечкезь ёжомарямо. Тосо улнесь весе. Нетне, конат теить фотот, содить, эряви улемс уцясканть, паро шкантькак – шкась моли эрейстэ, зярдо-зярдо пек эрейстэ”, кортась Маргус Вилисоо.

Фотоконкурсонь пряказнень изнезь фотосто ванстома Каали Пюхяйарви неень шкастояк пертьпельксэнь ванстомань ало. Меельце ваннома савкстнень коряс, Каалинь метеоритось прась масторов мик 3600 иеде икеле, теемстэ 110 м-шка келей ды 20м-шка домка варянть. Улевксэсь теесь тешксэнть маласо велетнень-сядотнень культуратнененькак. Палыця менелень кевень эли чинь кадомасто ёвтниця морамотне ванстозь Эстэнь масторсо, лия масторотнесэкак. 13. пингень ушодомасо теезь, Эстэнь мастородо ёвтниця Ливэнь масторонь Хендриконь хроникась сёрмади, Сааремаань ломантнень покш пазось Тарапита чачось Вирумаасо виресэ вельтязь иневанькс пандосо, тосто ливтясь Сааремаав. Леннарт Меринень марявсь, те фольклорось ёвтни метеоритодо, кона ливтясь Вирумаасо Ебаверень иневанькс пандонь велькссэ, кадось Сааремаань Каалив.

Фотоконкурсонь уралонь раськетнень казнезэнть изнизэ фольклористонь ды раськень морыцянь, Николай Анисимовонь фотозо “Эру карон”, кона невти удмуртонь одломантнень цёракс самань коенть. Фотось теезь 2017-це иестэ Рузонь масторсо, Татар масторсо, Агрызки районсо, Варклед-Бодъянь велень иневаньксьонь юрсо.

Конкурсонь одломантнень казнезэнть изнизэ Таллиннань Рахумяень школань 4-це классонь тонавтницянь, 10 иесэ Моон-Лее Паюлань фотось “Иневанькс пекшесь Илумяесэ”.

Васенце колмо казне изнесть 1000, 300 ды 200 эвро. Теке марто максить казнетнекс улевкстнень, тонавтомань стякодо совамость, туризмань ды раужосто паникудотнень инжекс якамот, литература ды лият. Вейсэ изнесть 19 фото, конатне невтевить тесэ (эстэнь кельсэ).

Тедеде 10-ксть аравтозь конкурссонть улнесь 123 ломань, иесэ 9-стэ саезь 67-нь видьс. 540 фотосонть невтеви иневанькс таркатне Эстень масторонь марто 7 масторстояк: Суомисто, Россиясто, Белорузиясто, Грузиясто, Испаниясто, Кипрстэ, Австралиястояк. Фототнесэ невтеви 13 уралонь раськень иневанькс таркатне. Изниця фототне кочкась колмонь ломанень кужось: пертьпельксэнь фотограф Арне Адер, художник Епп Маргна ды пертьпельксэнь журналист Хелэн Арусоо. Изницятнень покшчинь казнема аравтыть 2.12. 2017 13-це часто Тартусо Эстень раськень музейсэ. Казнемась панжодо весе мельявовыцятненень.

Весе фотоконкурсонень кучозь фототне невтевить тесэ (эстэнь кельсэ).

Кулямонь алксокс Маавалла Кодань лопасо максозь кулямось (эстэнь кельсэ).

Mainokset

Vastaa

Täytä tietosi alle tai klikkaa kuvaketta kirjautuaksesi sisään:

WordPress.com-logo

Olet kommentoimassa WordPress.com -tilin nimissä. Log Out /  Muuta )

Google+ photo

Olet kommentoimassa Google+ -tilin nimissä. Log Out /  Muuta )

Twitter-kuva

Olet kommentoimassa Twitter -tilin nimissä. Log Out /  Muuta )

Facebook-kuva

Olet kommentoimassa Facebook -tilin nimissä. Log Out /  Muuta )

Muodostetaan yhteyttä palveluun %s