Мекс уралчи?

Еврасиянь пелеёнкссо эрить ламо ушодксонь раськет: суомить, эстэть, эрзят, саамт, комить, удмуртт, хантт, мансить, ненецт. Коень-кирдань коряс не раськетне лемдить суоми-угрань раськетнекс, ансяк те лемесь ильведевксэв, те вети авиде цюдавксс. Неень шкань лемезэнть уралонь ёвтнить суоми-угрань синонимокс, мезэ човоргавти чарькодькстне седе ламо. Ворыласо нолдить тевс ансяк чарькодьксонть уралонь, потамсто лемень суоми-угрань тевс нолдамосто.

Мекс аволь суоми-угрань?

Уралонь келтнеде кармасть тонавтнеме зярыя кемень ие индо-германиянь (течи индо-европань) келтнень “муевемадо” икеле, ды кевейксэеце пингенень уралонь келтнеде тонавтнесть индо-европань келтнеде ламо, нетнеде лувосто. Васенце карадокаршо аравтомань тонавтнематне теесь мадьяр Янош Шайнович кемгавксовоце пингень кодгеменце иетнень пестэ, карадокаршо аравтомсто мадьяронь келенть саам келтнень марто. Машти кортамс, уралистикань васенце сёрмадовксось Янош Шайновичонь 1770-це иестэ нолдазь “Дэмонстратио идиома Хунгарорум эт Лаппорум идэм эссэ” (Невтема, мадьяронь ды саамонь келтне вейкеть).

Теке марто, валось суоми-угрань кастовсь-кепетевсь ансяк 1870-це иетнень пестэ, зярдо тонавтнезь ломань Отто Доннэр кармась явномо системасто суоминбуень келтне, раськетне. Теде икеле не мистериянь чилисемаёнксонь келтне лемдесть угрань келтнекс. Тонь шкань содамань коряс суомить, эстэть, карелэть, ливт, вепссэть, саамткак балтёнксонь тарадсо; эрзят, мокшот ды пандо, нар марить равонь тарадсо. Те равонь-балтёнксонь тарадось пермень келтнень, эли коми, удмуртонь келень марто улнесь келень раськень суоминь тарадозо. Угрань тарадозо улнесь мадьяронь, мансинь, хантонь келтне.

Доннэрень кармазь аравтоманть поладось Ээмил Нэстор Сэтяля кавтонгемень васенце кемень иетнень шкасто, зярдо сон теесь киртявксонть уралонь келтнень сень шкань содамасто. Сэтяля невтесь келень раськень улемань нежекс икеледе ламо валонь карадокаршо аравтоматненть, ансяк келень лемезэнь коряс сон теесь визделгавтыца решамонть, лемдемстэ Доннэрэнь суоми-угрань келтне суоминьбуень келтнекс. Те шкасто кармась лемесь уралонькак лисеме литературасо: те шкасто кармасть жо карадокаршо аравтомо уралонь келтне тюрконь, монголонь ды тунгусонь келтнень, эли алтай келтнень марто вейсень уралонь-алтаень келтнень раськекс. Теке марто, Сэтяля явнось уралонь келтне самоедень ды суоминь келтнекс.

Те нурька киртявксонь невтезь касомась-кепетемась совавти зярыя чиремеманть уралонь келтнень тонавтнемасо. Васенцекс, мадьяртненень езь туе (неень шкастояк а туи) мелесть, мадьртнень виев, кезэрень раське сави инеськекс “кал чинень барбартненен”, кода саамт лемдесть 1700-це пингестэ. Неень шкань саамт седе паро путозть (балтёнксонь )суоминь марто суомин-саамонь тарадсто. Мик те невтеви авиде, секс мекс ламо вейсень ёнкст маштыт чарькодевтевемс сядо иетнень рядцек эрямонь мартояк.

Омбоцекс, куш уш Маттиас Кастрен 1840-це иестэ тонавтнесь самоедэнь келтнеде, молсь та-кодамо шка не келтнень ловномасо уралонь келтнекс (точна кортамс, мадьяронь Игнач Халасонь 1890-це иетнень тонавтнематнень лангс ванозь). Тень лангс ютась раськень романтикань шкань касозь теориясь ломанень расатнестэ ды хиерархиасто нетнень ютксо. Суоминьбуень теоретиктнень моделтнень коряс самоедт, саамткак улнесть келень, расань лангс лия группанть суоми-угратнестэ. Те моделень коряс седе алка касомань уровенень саамт-самоедт полавтызе эсь келенть седе чевтеседей кезэрень суоминь кельс. Теориянь невтемась киртязь, кода моделькак. Неень шкань генетикаяк полавтови те цюдавксонть.

Мезе уралонь?

Кода валось суоми-угрань, истя валось уралонькак келень тонавтнемасто.

Суоми-угрань келтнень явомадо самоедэнь келтнестэ толковасть валбусмонь явомань марто. Самоедэнь келтнень валбусмо коень-кирдань чарькодьксонь коряс невтеви самоедтнень рана саевеманть уралонь юркелень веледе-сядодо.

Ней содамо тень авидекс кавто тувталонь кис. Васенцекс, неень шкань келень тонавтницят, кода пелеёнкс-саам Луоббал Саамол Саамол Анте, муевить седе точной гайтень карадокаршонь аравтоматнень вельде ламо од валонь карадокаршонь аравтоматне чивалгомаёнксонь уралонь келтнень ды самоедэнь келтнень ютксо. Уш а машты ловномс валбусмонь явоманть истя чирекс, кода седе икеле.

Омбоцекс, мекскак валбусмонь явоматне ловость умонь уралистикасо эрявиксокс, уш весе историянь-карадокаршо аравтомань келень тонавтнемань алксось ушодкссто саезь регуларной гайтень вейкетьксчитнесэ. Суоми келень тонавтницясь Яякко Хяккинен теезь гайтень карадокаршо аравтоматне, конатнень коряс ней содатано, самоедт езить явово уралонь юркелень велестэ-сядосто вейкине. Васенце явома уралонь велесэ-сядосо улнесь чивалгомаёнксонь ды чилисемаёнксонь келтнень ютксо. Чилисемаёнксонь кельстэ кассть-кепетесть самоедэнь, мансинь, хантонь ды мадьяронь келтне. Чивалгомаёнксонь кельстэ кассть-кепетесть пермень, маринь, мордвань, балтёнкс-суоминь ды саамонь келтне.

Нурькасто кортазь, уралонь келтне – келтне, конатне саить Уралонь пандопулонь таркасо кортазь келтнестэ ды конатне нейкак кортить пандопулонь кавтоёнкссо. Уралонь келтнень весемеде икелень вейсень келенть лемдить уралонь юркелекс.

Од шкань уралчись

Минь эрятано покш культурань полавтовксонь шканть. Те культурань полавтовксось саеви содамочинь ламолгадомасто технологиянь касомань-кепетемань кис. Содамонок касы-кепети, масторлангонь чарькодемачинек полавтови. Те шкасто миненек эряви мель путомс, мезе ули меленэк кирдемс ташто масторлангосто, мезе одомттано молеме од масторлангонь рунгонь марто. Масторлангось полавтови, сонзэ изницятнезэ, конатне маштыть нокамс.

Уралчись – вейсендявксонь одов муевеманть. Те вейсендявксось кекшсь тёжа иетне идемвиртнень экшс. Раськеть явость эсь варчамонзо, умонь шканзо раськеполадкстнень велькска телень чоподась вельтемстэ моданть. Те умонь шкань мельсэ кирдемась максы вий кирдемс уцяскавтомочит, конат пелеёнкссо кельме масторсо эрямось канды. Содамось, эсь масторлангонь чарькодемачинть кортазь икелев тёжа иетне, максы эрьва шканень ёнксонть, чарькодемантькак, истя ней, кода сыця шкастояк.

Уралчисэ а кадови вейкеяк келень инеське седе аламов. Весе уралонь келтнесэ кортыця раськетненень максыт мель зняро жо арнемань, лембень марто. Истя явозть валстояк лап эли эскимо, ней ёвтнить саам эли инуит.

Уралчись ламоёнксчинь видекс кирдеманть истя, эрьва уралонь раське истя питней. Уралчись аволь седе вийтемень лепштямонть седе виевэнь видечинь авиде тубтал марто. Уралчись кудораськень ломантнень нежедеманть вейсень уцяскавтомочитнень икеле. Лемдемстэ эсенэк уралонь ломантнекс минь путтано эсенть раськеполадкстнень присьмес, кона моли тёжа иет кода ушонь, истя сыця шкаскак. Нолдамсто тевс валонть уралонь минь невтано, минь чачотано одов од шкасто. Истя кемекстано, сыця шкась уралонь.

Mainokset

Vastaa

Täytä tietosi alle tai klikkaa kuvaketta kirjautuaksesi sisään:

WordPress.com-logo

Olet kommentoimassa WordPress.com -tilin nimissä. Log Out /  Muuta )

Google photo

Olet kommentoimassa Google -tilin nimissä. Log Out /  Muuta )

Twitter-kuva

Olet kommentoimassa Twitter -tilin nimissä. Log Out /  Muuta )

Facebook-kuva

Olet kommentoimassa Facebook -tilin nimissä. Log Out /  Muuta )

Muodostetaan yhteyttä palveluun %s