Иневанькс пулонь ломантнень изнемась 10230 (2017)

Ацамковонь 2-це чистэ Эстэнь масторонь музейс пурнавось ламо, эрьва кодамо модань кемемань ломантне ды иневанькс пулонень мель явовыцятне. Улевкссэ, Иневанькс пулонь ломантнень изнемасо, казнесть аволь ансяк Иневанькс пулонь фотоконкурсонь изницятне, истя жо иень иневанькс пулонень паро тевтне, иень 10230 (2017) Иневанькс лулонь ялгазояк.

Цёрань хор Люю-Тюррэнь виев мородо мейле улевксэнть панжость шумбракстамань валт Эстэнь масторонь музеень директордо Тынис Лукас, Маавалдонь Кудонь прявтто Мадис Иганымм ды Тайвааннаулань раськень ломантнень ответственнойдо Патрик ОэРурк. Валтнесэ путость мель вейсэнь, меельце кемень иень перть иневанькс пулонь таркасто, пертьпельксэнь кемемань эрямокойсто кортамо полавтовы седе вейсэнь, кемекстазь тувталокс Эст, Суоми масторсояк.

Шумбракстамовалтнень мейле улнесь улевксэнь васенце пельксэсь, фотоконкурсонь изницятнень казнемась. Конкурсонь кужонь ломань, Арнэ Адэр путось мель, 2017-це иень фототнесэ невтеви технологиянь касома-кепетема снимардомасо. Теке марто, се иестэ дронтнень тевс нолдамо улнесь содавикс, кода изниця фотосояк невтеви. Весе конкурсо улезь фототне улнесть диапресентациякс варган, хииуканнель седямонь марто.

Кода седе икеле ёвтнезь, 2017-це иесте казнезть Иневанькс пулонь фотоконкурсонь изницякс Маргус Вилисоо фото марто “Менелень домкачись эень кельксшэнь ало”. Конкурсонь кужось ёвтнесь те фотонь лангс, кода истя уралонь казнемань лангс, конань изнесь Николай Анисимов, одломантнень казнемань лангскак, конань изнесь Моон-Лээ Паюла. Теке марто казнесть казнемат веткемень категориясо, невтемга пертьпельксэнь ванстома, анокст, иневанькс пулонь сянгоркс эли кой-кирда. Зярыя казнема улнесь угалань эли лембеёнксонь эстэнь категориятнестэ, невтемга Ташто-Выро масторонь казнемась, Мулги масторонькак, конатнень перть кортасть угалань кельсэ, выронь эли мулгинь кортавкссо.

Улевксэнь омбоце пельксэсенть, Иневанькс пулонь ялгань казнеманть, кармавтось икелень, 10229( 2016)-це иень ялгань, Ахто Каасиконь валзо. Каасик ледстяс мельс, мезе 10230( 2017)-це иень чарькодемась Эстэнь кезэрь таркань ванстомань вейсэулеманень, конанень улнесь 30 ие ацамковонь 12-це чистэ: пелькс вейсэулемань активной ломантнестэ теесь 10208( 1995)-це иестэ Маавалдонь модань ды Таарань кемицятнень кудонть, невтемга Ахто Каасик, Тынис Лукаскак. Каасик ёвтнесь седеяк, мезе сон муесь архивсо важодемстэ: Эстэнь васенце республикань перть молесть сеедстэ, панжадосто иневанькс пулотнесэ, республикань покшчинь читнестэяк. Эстэнь флагонь мартояк сюлмави мельстуиця тевт, мезе Эстэнь тонавнтицятнень вейсэулемась (Ээсти юлиыпиластэ сэлтс, ЕЮС) муесь эсь ванномастонзо. Васенце Эстэнь флагось чантязь Отепяянь Иневанькс эрькень (Пюхя-ярвэнь) ведень марто, Таарань лемсэ.

Улевксэнь пряулевксэде икеле трясть-ваность талноманть максомсто кавтокемень видькстамонть ломантненень, вейсэндявксонтненень, конат иень перть лездасть иневанькс таркатнень содавиксэкс теемасо, не таркатнень ванстомасо.

10230( 2017)-це иень Иневанькс пулонь ялгакс кочкасть нешкепирень кирдиця, вирень аваломань Эха Мэтсаллик. Сонь мелензэ коряс аравтость Палукюлянь Хииемяэнь пандонь юрсо историянь-музыкань невтеманть “Оляксчинь вирень каштмолемасо”. Невтемасо ёвтнить вирень раськень эрямонть вейке кудораськень вельде кото вайгельбень палманёнь перть, Маавалдонь тестэнь ломантнестэ Эстэнь республикань эсь олячисэ эрямос саезь. Невтемась алтазёль покштятненень-бабатненень, нетнень ледстнемань ловоманенькак.

ЕРР:нь кулямозо меельце иневанькс пулонь ялгань лангс (эстэнь кельсэ).

Mainokset

Vastaa

Täytä tietosi alle tai klikkaa kuvaketta kirjautuaksesi sisään:

WordPress.com-logo

Olet kommentoimassa WordPress.com -tilin nimissä. Log Out /  Muuta )

Google+ photo

Olet kommentoimassa Google+ -tilin nimissä. Log Out /  Muuta )

Twitter-kuva

Olet kommentoimassa Twitter -tilin nimissä. Log Out /  Muuta )

Facebook-kuva

Olet kommentoimassa Facebook -tilin nimissä. Log Out /  Muuta )

Muodostetaan yhteyttä palveluun %s