Уралонь масторлангось вешни од культурань прявтошонть 2019-це иекс

Одломанень суоми-угрань раськетьнень ассоциациясь (ОСУРА эли МАФУН) Ушодксонь раськетьнень куншка URALIC марто панжость суоми-угрань (тестэ саезь уралонь) культурань прявтошонь проектэнь омбоце ниле-иень шканть ацамковонь 20-це чистэ Таллинсо. Секе шкасто яволявтовось панжозёкс конкурсось 2019-це иень уралонь культурань прявтошокс. Конкурсонь изницясь кочкави чадыковонь 8-це чистэ 2018 Обиницасо, Эст масторсо.

2013-це иестэ кармавтозь уралонь культурань прявтошонь проектэсь – ОСУРА-нь, URALIC-нь эрявикс проект. Суоми масторсто Буень раськетьнень ялгат (Sukukansojen ystävät ry) активнойстэ проектэнь тевсэ марто. Проектэнь целекс: покшолгавтомс уралонь раськетьнень, келтьнень содамонть, виевгавтомс вейсэнь уралонь идентичностёнть ды лездамс кирдиця таркань касоманть-кепетеманть эрьва косо уралонь масторлангосо.

Уралонь культурань прявтошотнекс те шкас саезь вите тарканть: удмуртонь веле Быгы (2014), сетонь веле Обиница (2015), мадьяронь веле Искасэнтджёрдж ды ош Веспрэм (2016), карелэнь веле Вуоккиниэми (2017). Культурань прявтошонь проектэсь покшолгавты прявтошокс таркатнень содамонть масторонь эйсэ, омбомасторсояк, невтемга культурань туризмань вельде. Те самай виевгавты таркань велетне-сядотне, макснемстэ од касомань-кепетемань улемачитне. Проектэсь паросто вастозь уралонь мастортнесэ, омбомастортнесэяк. ВРО-нь (вейсэндявозь раськетьнень организациясь, ООН) ушодксонь раськетьнень видечинтнень специальной рапортыцянь, Викториа Таули-Корпузонь коряс те проектэсь паро невтемась ушодксонь раськетьнень видечитнень касомасто-кепетемасто.

МАФУН URALIC марто путсть мель панжомс культурань проектэнь омбоце ниле-иень шканть (2019-2022) секс, мекс васенце шкань савкстнэ парот ды меревкстне лезэвт. Се шкасто яволявтови конкурсось панжозёкс 2019-це иень уралонь культурань правтошокс. Весе велеть, ошот эрьва уралонь масторлангосто мельявоманть улемс конкурссо, Суоми, Эст, Мадьяр мастортнень прявтошотне ды Россия масторонь региононь правтошотне башка. Вейкине тарка, конанень а максыт улемс конкурссо, те Карелэнь республикась Россиясто секс, мекс икеле культурань прявтошось улнес Вуоккиниэминь велесь (кандидаттнэ Карелэнь республикасто маштыт улемс конкурссо омбонь кирда, зярдо пелькстить 2020-це иень культурань прявтошонь кис).

2019-це иень культурань прявтошонь конкурсонь материалтне вешемакс кедьало проектэнь лопасо (англакс эли рузокс). Яволявкстне эрявить кучомс эйзюпковонь 1-це чис саезь. Изницясь кочкить чадыковонь 8-це чистэ 2018 Обиницасо. Конкурсонь аравтомакс Эстэнь буень раськетьнень программась лезди ярмаксо.

Сюлмавкс:

Оливер Лоодэ

Проектэнь кордниатор

oliver.loode@uralic.org

Тел. +372 513 2992

Проектэнь лопазо (англань, рузонь кельсэ).
Mainokset

Vastaa

Täytä tietosi alle tai klikkaa kuvaketta kirjautuaksesi sisään:

WordPress.com-logo

Olet kommentoimassa WordPress.com -tilin nimissä. Log Out /  Muuta )

Google+ photo

Olet kommentoimassa Google+ -tilin nimissä. Log Out /  Muuta )

Twitter-kuva

Olet kommentoimassa Twitter -tilin nimissä. Log Out /  Muuta )

Facebook-kuva

Olet kommentoimassa Facebook -tilin nimissä. Log Out /  Muuta )

Muodostetaan yhteyttä palveluun %s